2
October
Monday
12:52 AM

13o

LIGHT RAIN
HEALTH

ഉപ്പുറ്റി വിണ്ടുകീറുന്നതു തടയാനുള്ള ചില പ്രധാനപ്പെട്ട നാട്ടുരീതികള്‍

06-02-2018

കാലു വിണ്ടു കീറുന്നത് പലരേയും അലട്ടുന്ന പ്രശ്‌നമാണ്. വരണ്ട ചര്‍മമുള്ളവര്‍ക്കാണ് പ്രത്യേകിച്ചും ഉണ്ടാകുന്നത്. മഞ്ഞുകാലത്ത് ഈ പ്രശ്‌നം അധികമാകുകയും ചെയ്യും.ഉപ്പുറ്റി വിണ്ടുകീറുന്നതു തടയാനുള്ള ചില പ്രധാനപ്പെട്ട നാട്ടുരീതികളെക്കുറിച്ചറിയാം

 

1.കറിവേപ്പിലയും പച്ചമഞ്ഞളും തൈരില്‍ അരച്ചു ഹീലില്‍ പുരട്ടുന്നത് കാലു വിണ്ടു കീറുന്നതിനുള്ള  നല്ലൊരു പരിഹാരമാണ്. കറിവേപ്പിലയ്ക്കും മഞ്ഞളിനും അണുബാധ ചെറുക്കുവാനുള്ള കഴിവുമുണ്ട്.

 

2.താമരയുടെ ഇലയും വെളിച്ചെണ്ണയും ഇതിനുള്ള നല്ലൊരു മരുന്നാണ്. താമരയുടെ ഇല കരിക്കുക. ഇത് വെളിച്ചെണ്ണയില്‍ ചാലിച്ച് ഉപ്പുറ്റിയില്‍ പുരട്ടാം.

 

3.പശുനെയ്യ്, ആവണെക്കെണ്ണ, മഞ്ഞള്‍പ്പൊടി എന്നിവ മിശ്രിതമാക്കുക. ഇത് ചൂടാക്കി ചെറുചൂടോടെ ഉപ്പുറ്റിയില്‍ തേച്ചു പുരട്ടി ഒന്നുരണ്ടു മണിക്കൂര്‍ നേരം വയ്ക്കുക.

 

4.മൈലാഞ്ചി അരച്ച് ഉപ്പുറ്റിയില്‍ ഇടുന്നത് ഉപ്പുറ്റി വിണ്ടു കീറുന്നതിനുള്ള നല്ലൊരു പ്രതിവിധിയാണ്.

 

5.നാളികേരവെള്ളത്തില്‍  ഒരു പിടി അരിയിട്ടു കുതിര്‍ക്കുക. ഇത് അരച്ച് വിണ്ടുപൊട്ടിയ ഭാഗത്തിടാം.

 

6.വാഴപ്പഴം പള്‍പ്പ് രൂപത്തിലാക്കി കാലിലെ വണ്ടുകീറിയ ഭാഗത്ത് തേക്കുക. പത്ത് മിനുട്ട് കഴിഞ്ഞ് ഇത് കഴുകി വൃത്തിയാക്കുക.

 

7.മഞ്ഞളും, തുളസിയും, കര്‍പ്പൂരവും തുല്യ അളവിലെടുത്ത് അതില്‍ കറ്റാര്‍വാഴ ജെല്‍ ചേര്‍ത്ത് ഉപ്പൂറ്റിയില്‍ തേയ്ക്കുക. കറ്റാര്‍വാഴ ജെല്‍ മാത്രം തേയ്ക്കുന്നതും ഫലം നല്കും.

 

8.വെളിച്ചെണ്ണ, എള്ളെണ്ണ എന്നിവ ഉപയോഗിച്ച് ഉപ്പുറ്റി മസാജ് ചെയ്യുന്നത് ഏറെ നല്ലതാണ്. ഇത് ദിവസവും ചെയ്യുന്നത് ഗുണം നല്‍കും

മനസ്സ് മീഡിയ.