19
April
Friday
09:55 AM

13o

LIGHT RAIN
NATIONAL

പഞ്ചാബിലും ഗോവയിലും വോട്ടെടുപ്പ് തുടങ്ങി

 

 

04-02-2017

 

പഞ്ചാബ്, ഗോവ നിയമസഭകളിലേക്കുള്ള വോട്ടെടുപ്പ്  തുടങ്ങി. പഞ്ചാബില്‍  117 മണ്ഡലങ്ങളിലെ വോട്ടര്‍മാരാണ് പോളിംഗ് ബൂത്തിലെത്തുന്നത്.  1145 സ്ഥാനാര്‍ത്ഥികളാണ് മത്സരരംഗത്തുള്ളത്. ശിരോമണി അകാലി ദള്‍  ബി ജെ പി സഖ്യവും , കോണ്‍ഗ്രസും ആം ആദ്മി പാര്‍ട്ടിയും തമ്മില്‍ ത്രികോണ മല്‍സരമാണ് പഞ്ചാബില്‍ നടക്കുന്നത്.

അമൃത്‌സര്‍ ലോക്‌സഭ മണ്ഡലത്തിലേക്കുള്ള ഉപതെരഞ്ഞെടുപ്പും ഇതോടൊപ്പം നടക്കുന്നുണ്ട്. ഗോവയില്‍  40 മണ്ഡലങ്ങളിലേക്കാണ് വോട്ടെടുപ്പ്.  പതിനൊന്ന് ലക്ഷത്തി എണ്ണായിരത്തോളം വോട്ടര്‍മാര്‍ ഉള്ള സംസ്ഥാനത്ത് 1642 പോളിംഗ് ബൂത്തുകളാണ് ക്രമീകരിച്ചിരിക്കുന്നത്. മുഴുവന്‍ ബൂത്തുകളിലും ഇത്തവണ വെബ് കാസ്റ്റിംഗ് ഒരുക്കിയിട്ടുണ്ട്. ചതുഷ്‌കോണ പോരാട്ടം നടക്കുന്ന ഗോവയില്‍ ആകെ 251 സ്ഥാനാര്‍ത്ഥികള്‍ മത്സര രംഗത്തുണ്ട്. തുടര്‍ഭരണത്തിനായി ബിജെപിയും അധികാരത്തിലെത്താന്‍ കോണ്‍ഗ്രസും മത്സരിക്കുമ്പോള്‍ ആംആദ്മി പാര്‍ട്ടിയുടെ സാന്നിധ്യം നിര്‍ണ്ണായകമാകും.മനസ്സ് മീഡിയ