1
October
Sunday
11:55 PM

13o

LIGHT RAIN
NATIONAL

ചന്ദ്രശേഖര്‍ ഗുരുജിയുടെ കൊലപാതകം സ്വത്ത് തര്‍ക്കത്തെ തുടര്‍ന്ന്, പ്രതിയുടെ പേരില്‍ നിക്ഷേപിച്ചത് കോടികള്‍ 

 

 

09-07-2022

 

ബെംഗളൂരു: പ്രമുഖ വാസ്തു ശാസ്ത്ര വിദഗ്ധനായ ചന്ദ്രശേഖര്‍ ഗുരുജിയുടെ കൊലപാതകത്തിലേക്ക് നയിച്ചത് സ്വത്ത് തര്‍ക്കം.ഇക്കാര്യം അദ്ദേഹത്തിന്റെ മുന്‍ ജീവനക്കാര്‍ പോലീസിന് മുന്നില്‍ കുറ്റസമ്മതം നടത്തി.പോലീസ് കസ്റ്റഡിയില്‍ തുടരുന്ന പ്രതികളായ മഹന്തേഷ് ഷിരൂര്‍, മഞ്ചുനാഥ് മരേവാഡ എന്നിവരാണ് ഇക്കാര്യം സമ്മതിച്ചത്. കര്‍ണാടകയിലെ ഹുബ്ബള്ളയിലെ പ്രസിഡണ്ട് ഹോട്ടലില്‍ വെച്ചായിരുന്നു ചന്ദ്രശേഖര്‍ ഗുരുജി കൊല്ലപ്പെട്ടത്. ചൊവ്വാഴ്ച്ച രാവിലെ ഹോട്ടലില്‍ എത്തിയ രണ്ടുപേര്‍ റിസപ്ക്ഷനില്‍ വെച്ച് ഇദ്ദേഹത്തെ കുത്തികൊല്ലുകയിരുന്നു. കൃത്യം നടത്തി പ്രതികള്‍ ഉടന്‍ സ്ഥലം വിട്ടെങ്കിലും നാല് മണിക്കൂറിനുള്ളില്‍ ബെലേഗവി ജില്ലയിലെ രാംദുര്‍ഗില്‍ നിന്നും പ്രതികള്‍ പിടിയിലായി. ഇരുവരേയും ആറ് ദിവസത്തേക്കാണ് പോലീസ് കസ്റ്റഡിയില്‍ വിട്ടിരിക്കുകയാണ്.

പോലീസ് പറയുന്നത് റിയല്‍ എസ്‌റ്റേറ്റ് ബിസിനസിലേക്ക് കടന്ന ഗുരുജി അതില്‍ നിന്നും ലഭിക്കുന്ന പണം കൊണ്ട് വീടുകള്‍ നിര്‍മ്മിച്ച് വില്‍പ്പന നടത്തിവരികയായിരുന്നു. വാസ്തു ശാത്രപ്രകാരം നിര്‍മ്മിക്കുന്ന വീടുകള്‍ക്ക് ആവശ്യക്കാര്‍ ഏറെയായിരുന്നു. മുംബൈ, ബംഗളൂരു, ഹുബ്ബള്ളി തുടങ്ങിയ നഗരങ്ങളില്‍ ഓഫീസുകളുള്ള ഗുരുജിയുടെ സ്ഥാപനം വന്‍തുക സമ്പാദിക്കുകയും അക്രമികളിലൊരാളായ മഹന്തേഷ് ഉള്‍പ്പെടെയുള്ള ജീവനക്കാരുടെ പേരില്‍ സ്വത്തുക്കള്‍ വാങ്ങികൂട്ടുകയും ചെയ്തിരുന്നു. ഗുരുജിയുടെ സാമ്പത്തിക കാര്യങ്ങള്‍ നോക്കിയിരുന്ന മഹന്തേഷ് ഷിരൂരിന്റെ പേരില്‍ കോടിക്കണക്കിന് രൂപയുടെ സ്വത്തുക്കള്‍ രജിസ്റ്റര്‍ ചെയ്തിട്ടുണ്ട്.

2016 ലാണ് മഹന്തേഷ് ഗുരുജിയുടെ സ്ഥാപനമായ സരള വാസ്തുവില്‍ നിന്നും രാജിവെച്ചിരുന്നു. പിന്നാലെ അദ്ദേഹം മഹന്തേഷിന്റെ പേരില്‍ നിക്ഷേപിച്ച സ്വത്ത് തിരികെ ആവശ്യപ്പെട്ടു. ഇതാണ് കൊലപാതകത്തില്‍ കലാശിച്ചതെന്നാണ്പ പോലീസ് പറയുന്നത്. 2005-19 കാലയളവില്‍ സരള വാസ്തുവില്‍ ജോലി ചെയ്തിരുന്ന മഹേന്തറിന്റെ ഭാര്യ വനജാക്ഷിയെ പോലീസ് കസ്റ്റഡിയിലെടുത്തെങ്കിലും ചൊവ്വാഴ്ച വൈകുന്നേരം വിട്ടയച്ചിരുന്നു. സംഭവത്തില്‍ വനജാക്ഷിയുടെ പ്രതികരണം ഇപ്രകാരമാണ് ഗുരുജി വളരെ നല്ല മനുഷ്യനായിരുന്നു. എന്റെ ഭര്‍ത്താവിന് തെറ്റുപറ്റിയതാണ്. സാമ്പത്തിക കാര്യങ്ങളില്‍ ഞങ്ങള്‍ക്കിടില്‍ തര്‍ക്കമുണ്ടായിരുന്നില്ല. എന്റെ ഭര്‍ത്താവിന്റെ പേരിലുള്ള ഗുരുജിയുടെ സ്വത്തുക്കളെക്കുറിച്ച് എനിക്കറിയില്ല. കഴിഞ്ഞ 45 ദിവസമായി അദ്ദേഹം വീട്ടില്‍ ഉണ്ടായിരുന്നില്ല. കാര്യം ചോദിച്ചപ്പോള്‍ അവന്‍ തിരക്കിലാണെന്ന് പറഞ്ഞു.മനസ്സ് മീഡിയ.