2
October
Monday
01:27 AM

13o

LIGHT RAIN
NATIONAL

ദക്ഷിണ കന്നഡയില്‍ കനത്ത മഴ റെഡ് അലര്‍ട്ട്; മംഗലാപുരത്ത് ഉരുള്‍പൊട്ടലില്‍ മൂന്ന് മലയാളികള്‍ മരിച്ചു

 

08-07-2022

 

മംഗലാപുരം: ന്യൂനമര്‍ദ്ദ പാത്തിയെ തുടര്‍ന്നുണ്ടായ അതിശക്തമായ മഴയില്‍ കര്‍ണാടകയുടെ തീരദേശ ജില്ലയില്‍ വലിയ നാശനഷ്ടം. സ്‌കൂളുകള്‍ക്കും കോളജുകള്‍ക്കും സര്‍ക്കാര്‍ അവധി പ്രഖ്യാപിച്ചു.

ദക്ഷിണ കന്നഡയില്‍ ശക്തമായ മഴയെ തുടര്‍ന്ന് റെഡ് അലര്‍ട്ട് പ്രഖ്യാപിച്ചിരിക്കുകയാണ്. മംഗലാപുരം പഞ്ചിക്കല്ലുവില്‍ ഉരുള്‍പൊട്ടലില്‍ മൂന്ന് മലയാളികള്‍ മരിച്ചു. പാലക്കാട് സ്വദേശി ബിജു, ആലപ്പുഴ സ്വദേശി സന്തോഷ്, കോട്ടയം സ്വദേശി ബാബു എന്നിവരാണ് മരിച്ചത്. കണ്ണൂര്‍ സ്വദേശി ജോണിക്ക് ഗുരുതരമായി പരിക്കേറ്റു. ഇവര്‍ റബര്‍ ടാപ്പിംഗ് തൊഴിലാളികളാണ്.

ഇന്നലെ രാത്രി പത്തരയോടെയാണ് ഉരുള്‍പൊട്ടലുണ്ടായത്.വര്‍ഷങ്ങളായി തോട്ടത്തിലെ ലയത്തിലാണ് ഇവര്‍ താമസിച്ചിരുന്നത്. അഞ്ച് പേരാണ് ലയത്തില്‍ താമസിച്ചിരുന്നത്. ഒരാള്‍ സംഭവ സ്ഥലത്തില്ലാതിരുന്നതിനാല്‍ രക്ഷപ്പെട്ടു.ഉരുള്‍പൊട്ടലില്‍ മണ്ണിനടിയില്‍ പെട്ട ഇവരെ പോലീസും അഗ്‌നിശമന സേനയും ആശുപത്രിയില്‍ എത്തിച്ചെങ്കിലും മരണമടയുകയായിരുന്നു.കര്‍ണാടകയിലെ കുടഗ്, ഉഡുപ്പി എന്നിവയ്ക്ക് പുറമേ മഹാരാഷ്ട്രയിലും പല ജില്ലകളിലും കാലാവസ്ഥ വകുപ്പ് റെഡ് അലര്‍ട്ട് പ്രഖ്യാപിച്ചിരിക്കുകയാണ്.റായ്ഗഡ്,രത്‌നഗിരി, പൂനെ, കോത്തപുര്‍ ജില്ലകളില്‍ റെഡ് അലര്‍ട്ടാണ്.മനസ്സ് മീഡിയ.