2
October
Monday
12:06 AM

13o

LIGHT RAIN
KERALA

ഏലപ്പാറയില്‍ മണ്ണിടിച്ചി: എസ്‌റ്റേറ്റ് തൊഴിലാളിയായ സ്ത്രീ മരിച്ചു

 

05-07-2022

 

ഇടുക്കി:ഏലപ്പാറയില്‍ കോഴിക്കാനം എസ്‌റ്റേറ്റില്‍ മണ്ണിടിച്ചലില്‍ ഒരു മരണം. തൊഴിലാളിയായ പുഷ്പ എന്ന് വിളിക്കുന്ന ഭാഗ്യം (58) ആണ് മരിച്ചത്. ലയത്തിന് പുറകിലത്തെ മണ്ണ് ഇടിഞ്ഞു വീഴുകയായിരുന്നു.പുലര്‍ച്ചെ അഞ്ചു മണിയോടെയായിരുന്നു സംഭവമുണ്ടായത്. ഫയര്‍ ഫോഴ്‌സും നാട്ടുകാരും ചേര്‍ന്ന് നടത്തിയ തെരച്ചിലിനൊടുവിലാണ് മൃതദേഹം കണ്ടെത്തിയത്.മൃതദേഹം താലൂക്ക് ആശുപത്രിയിലേക്ക് മാറ്റി.കോഴിക്കാനം എസ്‌റ്റേറ്റിന്റെ രണ്ടാം ഡിവിഷനിലെ പതിമൂന്ന് മുറി ലയത്തിലാണ് അപകടം നടന്നത്.രാവിലെ ജോലിക്ക് പോകുന്നതിന് മുമ്പായി ഭക്ഷണം പാകം ചെയ്യുന്നതിനായി പതിവ് പോലെ അടുക്കളയിലായിരുന്നു പുഷ്പ.ഈ സമയത്താണ് മണ്‍തിട്ട ഇടിഞ്ഞ് വീണത്.ഇവര്‍ മണ്ണിനും ഭിത്തിക്കും ഇടയില്‍ അകപ്പെടുകയായിരുന്നു. സംഭവം നടക്കുമ്പോള്‍ താട്ടടുത്ത മുറിയില്‍ ഭര്‍ത്താവും മക്കളും ഉറങ്ങുന്നുണ്ടായിരുന്നു. ഇവര്‍ക്ക് പരിക്കില്ല. രണ്ട് മണിക്കൂറോളം രക്ഷാപ്രവര്‍ത്തനം നീണ്ടുനിന്നു.ഇന്നലെ രാത്രി മുതല്‍ പ്രദേശത്ത് ശക്തമായ മഴ തുടരുകയാണ്.മനസ്സ് മീഡിയ.