2
October
Monday
12:22 AM

13o

LIGHT RAIN
KERALA

 

 

ഇന്നും കനത്ത മഴക്ക് സാധ്യത; മൂന്നു ദിവസത്തേക്കു കൂടി തുടരും, ആറ് ജില്ലകളില്‍ ഓറഞ്ച് അലേര്‍ട്ട്, ജാഗ്രതാ നിര്‍ദേശം

 

 

04-07-2022

 

 

തിരുവനന്തപുരം: സംസ്ഥാനത്തെ തുടരുന്ന അതിശക്തമായ മഴ അടുത്ത മൂന്നു ദിവസത്തേക്കു കൂടി തുടര്‍ന്നേക്കാമെന്ന മുന്നറിയിപ്പിനെ തുടര്‍ന്ന് എല്ലാ ജില്ലകളിലും ജാഗ്രതാ നിര്‍ദേശം നല്‍കി. ഇതിന്റെ ഭാഗമായി ഇന്നും നാളെയും മറ്റന്നാളും ജാഗ്രത തുടരും.

ഇടുക്കി, തൃശൂര്‍, മലപ്പുറം, കോഴിക്കോട്, കണ്ണൂര്‍, കാസര്‍ഗോഡ് ജില്ലകളില്‍ ഇന്ന് ഓറഞ്ച് അലേര്‍ട്ട് പ്രഖ്യാപിച്ചു. നാളെ ആലപ്പുഴ, കോട്ടയം, എറണാകുളം, ഇടുക്കി, തൃശൂര്‍, മലപ്പുറം, കോഴിക്കോട്, കണ്ണൂര്‍, കാസര്‍ഗോഡ് ജില്ലകളില്‍ ഓറഞ്ച് അലേര്‍ട്ടാണ്.

കേരളലക്ഷദ്വീപ്കര്‍ണാടക തീരങ്ങളില്‍ ഈ മാസം ആറുവരെ മത്സ്യബന്ധനത്തിന് പോകരുതെന്നും കാലാവസ്ഥാ വകുപ്പ് അറിയിച്ചു. അറബിക്കടലില്‍ പടിഞ്ഞാറന്‍തെക്ക് പടിഞ്ഞാറന്‍ കാറ്റ് ശക്തമാകുന്നതിന്റെ ഭാഗമായാണ് ഇപ്പോള്‍ ലഭിക്കുന്ന കനത്ത മഴ.

തെക്കന്‍ ഝാര്‍ഖണ്ഡിനു മുകളിലും സമീപപ്രദേശങ്ങളിലും ചക്രവാതച്ചുഴി നിലനില്‍ക്കുന്നുണ്ട്. ഇതും ന്യൂനമര്‍ദമായി ശക്തിപ്രാപിച്ചേയ്ക്കും. ബംഗ്ലാദേശിനും സമീപ പ്രദേശങ്ങള്‍ക്കും മുകളിലായി ചക്രവാതച്ചുഴി നിലനില്‍ക്കുന്നതിനാല്‍ വടക്കന്‍ ഒഡീഷയ്ക്ക് മുകളില്‍ ന്യൂനമര്‍ദമായി ശക്തി പ്രാപിക്കാന്‍ സാധ്യതയുണ്ടെന്നാണു മുന്നറിയിപ്പ്. ഇതിന്റെ അടിസ്ഥാനത്തില്‍ നാളെ മുതല്‍ ഏഴുവരെ ഒറ്റപ്പെട്ട അതിശക്തമായ മഴയ്ക്കും സാധ്യതയുണ്ടെന്നും കേന്ദ്ര കാലാവസ്ഥാ വകുപ്പ് അറിയിച്ചിട്ടുണ്ട്.മനസ്സ് മീഡിയ.