18
April
Thursday
06:24 AM

13o

LIGHT RAIN
NATIONAL

ഫത്തേപ്പൂര്‍ ബലാത്സംഗം : പ്രതി തീകൊളുത്തിയ പെണ്‍കുട്ടി മരിച്ചു

19-12-2019

ഉത്തര്‍പ്രദേശ്: നാല് ദിവസങ്ങള്‍ക്ക് മുമ്പ് ഉത്തര്‍പ്രദേശിലെ ഫത്തേപ്പൂര്‍ ജില്ലയില്‍ ബലാത്സംഗത്തിന് ശേഷം പ്രതി തീകൊളുത്തിയ ഇരുപതുകാരി പെണ്‍കുട്ടി മരിച്ചു. അയല്‍വാസിയായ ബന്ധുവാണ് ക്രൂരപീഡനത്തിന് ശേഷം പെണ്‍കുട്ടിയെ ചുട്ടുകൊല്ലാന്‍ ശ്രമിച്ചത്. കഴിഞ്ഞ മൂന്ന് ദിവസങ്ങളിലായി കാണ്‍പൂരിലെ എല്‍എല്‍ആര്‍ ഹോസ്പിറ്റലില്‍ അതീവ ഗുരുതരാവസ്ഥയില്‍ തുടരുകയായിരുന്നു പെണ്‍കുട്ടി. വ്യാഴാഴ്ച രാവിലെ ആശുപത്രിയില്‍ വച്ചായിരുന്നു പെണ്‍കുട്ടിയുടെ അന്ത്യം. 

രാവിലെ ഏഴ്മണിക്ക് മരിച്ച പെണ്‍കുട്ടിയുടെ മൃതദേഹം പോസ്റ്റ്‌മോര്‍ട്ടത്തിന് ശേഷം കുടുംബാംഗങ്ങള്‍ക്ക് വിട്ടു നല്‍കുമെന്ന് ആശുപത്രി അധികൃതര്‍ അറിയിച്ചു. ഡിസംബര്‍ 14നാണ് അയല്‍വാസിയായ ബന്ധു പെണ്‍കുട്ടിയെ ബലാത്സംഗത്തിനിരയാക്കിയത്. വീട്ടുകാരെ അറിയിക്കുമെന്ന് പറഞ്ഞതോടെ ഇയാള്‍ മണ്ണെണ്ണയൊഴിച്ച് കത്തിക്കുകയായിരുന്നു. പെണ്‍കുട്ടിയ്ക്ക് തൊണ്ണൂറു ശതമാനം പൊള്ളലുണ്ടായിരുന്നെന്ന് ആശുപത്രി വൃത്തങ്ങള്‍ അറിയിച്ചു. സംഭവത്തിന് ശേഷം ഒളിവില്‍ പോയ പ്രതിയെ പിറ്റേന്ന് പൊലീസ് കസ്റ്റഡിയില്‍ എടുത്തിരുന്നു. മനസ്സ് മീഡിയ.