21
September
Saturday
04:53 AM

13o

LIGHT RAIN
ENTERTAINMENT

'ഇത് എന്തൊരു പരിഹാസ്യമായ നിയമമാണ്...' ഐ.സി.സിയെ വിമര്‍ശിച്ച്  ഗൗതം ഗംഭീര്‍

15-07-2019

അവസാന പന്ത് വരെ ആവേശോജ്വലമായ നിമിഷങ്ങള്‍ സമ്മാനിച്ചാണ് ലോകകപ്പ് ഫൈനല്‍ കടന്നു പോയത്. മത്സരം സമനിലയിലായതിന് ശേഷം സൂപ്പര്‍ ഓവറിലും ന്യൂസിലാന്റ് ഇംഗ്ലണ്ടിനൊപ്പമെത്തിയെങ്കിലും ആ ഓവറില്‍ ഏറ്റവും കൂടുതല്‍ ബൌണ്ടറികള്‍ നേടി എന്ന ആനുകൂല്യത്തില്‍ ഇംഗ്ലണ്ട് ലോകകിരീടം സ്വന്തമാക്കുകയായിരുന്നു.

 

എന്നാല്‍ ഐ.സി.സിയുടെ ഈ നിയമത്തെ വിമര്‍ശിച്ച് രംഗത്തെത്തിയിരിക്കുകയാണ് മുന്‍ ഇന്ത്യന്‍ താരവും എം.പിയുമായ ഗൗതം ഗംഭീര്‍. മത്സരത്തിന് ശേഷം ട്വിറ്ററിലൂടെയാണ് അദ്ദേഹം ഈ നിയമത്തിലെ പരിഹാസ്യതയെക്കുറിച്ച് ട്വീറ്റ് ചെയ്തത്. 'ഇതുപോലുള്ള കണക്കിലെ കളികളെക്കുറിച്ച് മനസിലാകുന്നില്ല. ഏറ്റവും കൂടുതല്‍ ബൌണ്ടറികള്‍ നേടിയതിന്റെ അടിസ്ഥാനത്തിലാണ് വിജയികളെ പ്രഖ്യാപിച്ചത്. ഐ.സി.സിയുടെ ഈ നിയമം എത്ര പരിഹാസ്യമാണ്. മത്സരം സമനിലയില്‍ പിരിയേണ്ടതായിരുന്നു. ഫൈനലില്‍ ഇഞ്ചോടിഞ്ച് പോരാട്ടം നടത്തിയ ഇംഗ്ലണ്ടിനും ന്യൂസിലാന്റിനും അഭിനന്ദനങ്ങള്‍. ഇരു ടീമുകളും വിജയികളാണ്.' ഇതായിരുന്നു ട്വീറ്റ്.

 

 

ന്യൂസിലാന്റ് ഉയര്‍ത്തിയ 242 എന്ന വിജയലക്ഷ്യത്തിന് ഒരു റണ്ണകലെ ഇംഗ്ലണ്ട് വീണത് പോലും ഭാഗ്യം അവിടെ ഒരു നിര്‍ണ്ണായക ഖടകമായതിനാലാണ്. ആവേശകരമായ മത്സരത്തിനൊടുവില്‍ ബെന്‍ സ്റ്റോക്‌സ് കളിയിലെ താരമായപ്പോള്‍ കീവിസ് നായകന്‍ കെയിന് വില്യംസണ്‍ ടൂര്‍ണ്ണമെന്റിലെ താരമായി.മനസ്സ് മീഡിയ.