2
October
Monday
12:41 AM

13o

LIGHT RAIN
INTERNATIONAL

 

 

അമേഠിയോ വയനാടോ ജയിച്ചാല്‍ ഏത് മണ്ഡലം നിലനിര്‍ത്തണമെന്ന് രാഹുല്‍ തീരുമാനിക്കും ; ഉമ്മന്‍ ചാണ്ടി

 

08-04-2019

വയനാട്: അമേഠിയിലും വയനാട്ടിലും മത്സരിച്ച് ജയിച്ചാല്‍ ഏത് മണ്ഡലം നിലനിര്‍ത്തണമെന്ന കാര്യത്തില്‍ രാഹുല്‍ ഗാന്ധിയായിരുക്കും തീരുമാനമെടുക്കുക എന്ന് മുന്‍ മുഖ്യമന്ത്രി ഉമ്മന്‍ ചാണ്ടി. തെരഞ്ഞെടുപ്പിന് ശേഷമുള്ള സാഹചര്യം വിലയിരുത്തി മാത്രമെ ഇക്കാര്യത്തില്‍ തീരുമാനമെടുക്കാനാകൂ എന്ന് ഉമ്മന്‍ ചാണ്ടി വ്യക്തമാക്കി. മേയ് 23 വരെ സിപിഎമ്മിന് സ്വപ്!നം കാണാം എന്ന പറഞ്ഞ ഉമ്മന്‍ ചാണ്ടി തെരഞ്ഞെടുപ്പില്‍ സിപിഎമ്മിന്റെ പ്രസക്തി കുറഞ്ഞു വരികയാണെന്നും അവകാശപ്പെട്ടു.

 

കേരളത്തിലെ ഇരുപത് മണ്ഡലങ്ങളിലും രാഹുല്‍ ഇഫക്ട് ഉണ്ടാകുമെന്ന് അവകാശപ്പെട്ട ഉമ്മന്‍ ചാണ്ടി. ഇടത് പക്ഷത്തെയും ബിജെപിയെയും വാര്‍ത്താസമ്മേളനത്തില്‍ ഒരു പോലെ വിമര്‍ശിച്ചു. ശബരിമല വിഷയത്തില്‍ ബിജെപിക്ക് ആത്മാര്‍ത്ഥത തെളിയിക്കാനായിട്ടില്ലെന്ന് പറഞ്ഞ ഉമ്മന്‍ചാണ്ടി കേന്ദ്രത്തില്‍ കോണ്‍ഗ്രസ് സര്‍ക്കാരാണ് വരുന്നതെങ്കില്‍ വിശ്വാസികളുടെ താല്‍പര്യം സംരക്ഷിക്കാന്‍ നിയമപരമായ മാര്‍ഗ്ഗങ്ങള്‍ തേടുമെന്ന് വ്യക്തമാക്കി.

 

കിഫ്ബി മസാല ബോണ്ടിന്റെ കാര്യത്തില്‍ പ്രതിപക്ഷ നേതാവ് ഉന്നയിച്ച ആരോപണങ്ങളെ ഉമ്മന്‍ ചാണ്ടി പിന്തുണച്ചു. വായ്പ തരാനെത്തിയ ലോകബാങ്ക് പ്രതിനിധികളെയും ഏഷ്യന്‍ ഡെവലപ്‌മെന്റ്  ബാങ്ക് പ്രതിനിധികളെയും അടിച്ചോടിച്ചവരാണ് ഇപ്പോള്‍ വിദേശ കമ്പനികളെ ന്യായീകരിക്കുന്നതെന്ന് ഉമ്മന്‍ ചാണ്ടി പരിഹസിച്ചു.മനസ്സ് മീഡിയ.