1
October
Sunday
11:47 PM

13o

LIGHT RAIN
INTERNATIONAL

 പ്രണയാഭ്യര്‍ത്ഥന നിരസിച്ചതിനാല്‍ പെണ്‍കുട്ടിയെ തീകൊളുത്തി കൊന്നു

 

04-04-2019

തൃശ്ശൂര്‍ ചിയാരത്ത് പെണ്‍കുട്ടിയെ കഴുത്തറുത്ത ശേഷം തീകൊളുത്തി കൊലപ്പെടുത്തിയത് പ്രണയാഭ്യര്‍ത്ഥന നിരസിച്ചതിനാലെന്ന് പ്രദേശവാസികളും പൊലീസും. ബി ടെക് വിദ്യാര്‍ത്ഥിനിയായ ചിയാരം സ്വദേശി നീതു(22)വിനെ കൊലപ്പെടുത്തിയ സംഭവത്തില്‍ വടക്കേക്കാട് സ്വദേശി നിധീഷിനെ നാട്ടുകാര്‍ പിടികൂടി പൊലീസില്‍ ഏല്‍പ്പിച്ചു.

 

തൃശൂര്‍ ചിയ്യാരത്ത് വ്യാഴാഴ്ച്ച രാവിലെയാണ് ഏഴരയോടെയാണ് സംഭവം. കൊടകര ആക്സിസ് എന്‍ജി. കോളേജ് വിദ്യാര്‍ഥിനിയാണ് നീതു.

 

സുഹൃത്ത് വടക്കേകാട് സ്വദേശി നിതീഷ് വീട്ടില്‍കയറി നീതുവിനെ പെട്രോളിച്ച് തീ കൊളുത്തി കൊല്ലുകയായിരുന്നു.

 

വീട്ടിലെ ബാത്ത്റൂമില്‍ വച്ചാണ് നീതുവിന്റെ ദേഹത്ത് പെട്രോളൊഴിച്ച് കത്തിച്ചത്.

 

മൃതദേഹം കിടന്നിരുന്നത് ഇവിടെയാണ്. ബൈക്കിലെത്തിയ നിതീഷ് പിറകുവശത്തെ വാതില്‍ വഴി കയറിയാണ് നീതുവിനെ ആക്രമിച്ചതെന്നാണ് നിഗമനം.പ്രണയാഭ്യര്‍ത്ഥന നിരസിച്ചതിനെ തുടര്‍ന്നായിരുന്നു കൊലപാതകം എന്നാണ് റിപ്പോര്‍ട്ടുകള്‍. വാക്കുതര്‍ക്കത്തില്‍ ഏര്‍പ്പെട്ട ശേഷം കത്തികൊണ്ടു കുത്തി പിന്നീട് പ്രെട്രോള്‍ ഒഴിച്ച് നീതുവിനെ തീ കൊളുത്തുകയായിരുന്നു.

 

നീതുവിന്റെ നിലവിളി കേട്ട് അയല്‍വാസികള്‍ ഓടിയെത്തുബോഴേക്കും കത്തിത്തീര്‍ന്നിരുന്നു. നെഞ്ചില്‍ രക്തം കണ്ടിരുന്നുവെന്നും റിപ്പോര്‍ട്ടുകളുണ്ട്.

 

നാട്ടുകാര്‍ തന്നെ നിതീഷിനെ പിടികൂടി പോലീസിന് കൈമാറുകയായിരുന്നു.മനസ്സ് മീഡിയ.