16
April
Tuesday
09:35 AM

13o

LIGHT RAIN
KERALA

വാട്ടര്‍ തീം പാര്‍ക്കിനെ കുറിച്ച് നിയമസഭയില്‍ മിണ്ടാതെ മുഖ്യമന്ത്രി : ചട്ടം ലംഘിക്കുന്ന അന്‍വറിനെ സംരക്ഷിക്കുകയാണെന്ന് പ്രതിപക്ഷ നേതാവ് 

18-06-2018

തിരുവനന്തപുരം: ഉരുള്‍ പൊട്ടലിനു വരെ കാരണമായ പി വി അന്‍വറിന്റെ വാട്ടര്‍ തീം പാര്‍ക്കിനെ കുറിച്ച് നിയമസഭയില്‍ മിണ്ടാതെ മുഖ്യമന്ത്രി. ചട്ടം ലംഘിക്കുന്ന അന്‍വറിനെ സര്‍ക്കാര്‍ സംരക്ഷിക്കുകയാണെന്ന് പ്രതിപക്ഷ നേതാവ് കുറ്റപ്പെടുത്തി. കട്ടിപ്പാറയില്‍ ഉരുള്‍ പൊട്ടിയ സ്ഥലത്തിന് സമീപത്തെ തടയിണയെ കുറിച്ച് വിദഗ്ധ സമിതി അന്വേഷിക്കുമെന്ന് മുഖ്യമന്ത്രി പറഞ്ഞു. കക്കാടം പൊയിലില്‍ പി വി അന്‍വര്‍ എംഎല്‍എയുടെ വാട്ടര്‍ തീം പാര്‍ക്കിലെ ചട്ട ലംഘനങ്ങള്‍ പുറത്തു കൊണ്ട് വന്നത് ഏഷ്യാനെറ് ന്യൂസാണ്. അന്‍വറിനെ സംരക്ഷിക്കുന്ന  നിലപാട് സര്‍ക്കാര്‍ ഇന്ന് നിയമസഭയിലും ആവര്‍ത്തിക്കുകയായിരുന്നു. കട്ടിപ്പാറയിലെ ഉരുള്‍ പൊട്ടലിനൊപ്പമാണ് പ്രതിപക്ഷം അന്‍വറിന്റെ വാട്ടര്‍ തീം പാര്‍ക്കിന്റെ സമീപത്തെ ഉരുള്‍ പൊട്ടലും ഉന്നയിച്ചത്.സഭക്ക് അകത്തും അന്‍വറിന്റെ പേര് പറഞ്ഞിരുന്നില്ല. മുഖ്യമന്ത്രിയുടെ മറുപടി കട്ടിപ്പാറയിലെ തടയിണയെ പറ്റി മാത്രമായിരുന്നു. ദുരന്തം തടയുന്നതില്‍ റവന്യൂ മന്ത്രി പൂര്‍ണ പരാജയമാണെന്ന് പ്രതിപക്ഷം ആരോപിച്ചു. ദുരന്തനിവാരണസേന എത്താന്‍ വൈകിയില്ലെന്നും വീഴ്ച ഉണ്ടായില്ലെന്നും ചെയ്യാവുന്നയതെല്ലാം ചെയ്‌തെന്നും മുഖ്യമന്ത്രിയും റവന്യു മന്ത്രിയും പറഞ്ഞു. അടിയന്തിര പ്രമേയം ചര്‍ച്ച ചെയ്യാത്തതില്‍ പ്രതിഷേധിച്ച് പ്രതിപക്ഷം ഇറങ്ങി പോയി.മനസ്സ് മീഡിയ